AFFA "Sanderlend"in futbolçusunu milliləşdirəcək? - FEDERASİYADAN AÇIQLAMA
0
Artıq iki gündür ki, AFFA-nın Dennis Çirkini milliləşdirəcəyi ilə bağlı mətbuatda iddialar yayıllıb. "Sanderlend"in müdafiəçisinin millimizə cəlb olunacağı bildirilir.
AFFA-nın mətbuat xidmətinin rəhbəri Murad Axundov Sportal.az saytına verdiyi açıqlamada yayılan xəbərlərin əsassız olduğunu bildirib.
O, Çirkinin milliləşdirilməsi məsələsinin AFFA-nın planında olmadığını deyib: "Yayılan xəbərlər əsassızdır, həqiqəti əks etdirmir".
Qeyd edək ki, İngiltərənin U-20 yığmasında oynamış Dennis 2021-ci ildən "Sanderlend"in üzvüdür.
İrlandiyada dünyaya gələn 23 yaşlı müdafiəçi əslən Türkiyədəndir.
