Azərbaycan millisi ilk görüşünü Şimali Makedoniyaya qarşı keçirəcək
Kişi basketbolçulardan ibarət Azərbaycan millisinin 2029-cu ildə keçiriləcək Avropa çempionatının ilkin təsnifat mərhələsindəki oyun cədvəli müəyyənləşib.
Sportal.az xəbər verir ki, yığmamız ilk oyununa səfərdə çıxacaq.
Komandamızın rəqibi Şimali Makedoniya olacaq. Basketbolçularımız son matçda isə evdə İrlandiyanı qəbul edəcəklər.
2025-ci il
27 noyabr
Şimali Makedoniya - Azərbaycan
30 noyabr
Azərbaycan - Lüksemburq
2026-cı il
27 fevral
İrlandiya - Azərbaycan
2 mart
Azərbaycan – Şimali Makedoniya
2 iyul
Lüksemburq - Azərbaycan
5 iyul
Azərbaycan - İrlandiya
Qeyd edək ki, qruplarda komandalar dairəvi sistemlə (hər biri bir-biri ilə) ev və səfər formatında qarşılaşacaqlar. A qrupunda hər komanda 6 oyun, B və C qruplarında isə hər komanda 4 oyun keçirəcək. Hər qrupun qalibi (1-ci yeri tutan komanda) birbaşa növbəti mərhələyə yüksələcək.
Ən yaxşı ikinci yerlərdən biri də əlavə olaraq irəliləyə bilər (FIBA-nın ümumi reqlamentinə görə, qrupların balansı üçün). A qrupunda 4 komanda olduğuna görə, ən yaxşı qrup ikincisi uğrunda mübarizədə sonuncu pilləni tutmuş komanda ilə oyunların nəticələri hesablanmayacaq.
