ÇL: "Qarabağ"ın potensial rəqibləri bəlli olacaq

Bu gün Çempionlar Liqasında III təsnifat mərhələsinin püşkatma mərasimi keçiriləcək.

Sportal.az xəbər verir ki, püşkatmada "Qarabağ"ın potensial rəqibləri dəqiqləşəcək.

Azərbaycan çempionunun mümkün rəqibləri arasında aşağıdakı komandalar yer alıb:

"Şelburn" - "Qarabağ" cütünün qalibinin potensial rəqibləri:

"Riyeka" (Xorvatiya) - "Ludoqorets" (Bolqarıstan) cütünün qalibi

"Hamrun Spartans" (Malta) - "Dinamo"(Kiyev,Ukrayna) cütünün qalibi

"Şkendiya" (Şimali Makedoniya) - FKSB (Rumıniya) cütünün qalibi

Püşkatma Bakı vaxtı ilə saat 14:00-da start götürəcək. III mərhələnin ilk oyunları avqustun 5-6-da, cavab görüşləri bir həftə sonra baş tutacaq.

Qeyd edək ki, "Qarabağ" II təsnifat mərhələsində "Şelburn"la ilk oyununu iyulun 23-də səfərdə, cavab görüşünü iyulun 30-da evdə keçirəcək.