İslandiya millisinin kapitanı Azərbaycanla matç haqda: "6:0 hesabını görmək istəyərdim"

İslandiya millisinin kapitanı Hakon-Arnar Haraldsson DÇ-2026-nın seçmə mərhələsinin D qrupunun ilk turunda Reykyavikdə Azərbaycan yığması üzərində qazandıqları qələbəni (5:0) şərh edib.

Sportal.az “433.is” portalına istinadən xəbər verir ki, island futbolçu millimiz barədə bunları danışıb:

"Hesab 5:0 olanda daha da yaxşı oynamaq çətindir. Düzünü desəm, İsak Yohannessonun het-trik etməsini və 6:0 hesabını görmək istəyərdim. Bu, evdə çox güclü oynadığımız matç idi. Azərbaycan ən yaxşı komanda deyildi, biz hələ də Ukrayna və Fransaya qarşı oynamalıyıq. O görüşlərdə də yaxşı olmalıyıq. Azərbaycanın vaxt aparmasına gəldikdə, bu cür komandalar belə addımlar atırlar. Onlar vaxt aparırdılar. Fasilə ərəfəsində qol vurmaq çox vacib idi və biz bunu etdik”.