Azərbaycanlı futbolçuların komandasından heç-heçə - biri qol vurdu
0
Futbol üzrə Rusiya I Divizionunda 4-cü turun oyunları keçirilir.
Sportal.az xəbər verir ki, Azərbaycanlı futbolçular Sadıq Bagievlə Kamran Əliyevin formasını geyindiyi SKA (Xabarovsk) doğma meydanda "Çayka"nı qəbul edib. Qarşılaşma 1:1 hesablı bərabərliklə başa çatıb.
Həmyerlilərimiz də bu görüşün iştirakçısı olub. Onlar matça start heyətində başlayıb. Sadıq 70, Kamran 81 dəqiqə meydanda qalıb.
U-21 millimizin üzvü olan Bagiev 47-ci dəqiqədə sarı vərəqə görüb. Kamran Əliyev isə 65-ci dəqiqədə komandasının yeganə qolunu vurub.
4 turdan sonra aktivində 8 xal olan SKA turnir cədvəlinin 4-cü pilləsində qərarlaşıb.
