Hollandiyalı futbolçu "İnter"in radarında
0
"Mançester Yunayted"in futbolçusu Coşua Zirkze “İnter”in maraq dairəsindədir.
Sportal.az xəbər verir ki, "Corriere dello Sport"un məlumatına görə, Milan klubu ehtiyac olduqda Lautaro Martines və Markus Tyurama keyfiyyətli əvəzləyici ola biləcək və taktiki seçimləri genişləndirəcək bir hücumçu axtarır. Bu baxımdan Coşua Zirkze ideal namizəd kimi görünür.
“İnter” hollandiyalı futbolçunu icarəyə götürmək və müəyyən şərtlər daxilində məcburi satınalma öhdəliyinə çevrilə biləcək satınalma hüququ ilə bu keçidi reallaşdırmaq istəyir. Maaş məsələsi isə problem olmamalıdır – söhbət illik 3,5 milyon avro və bonuslardan gedir.
Bundan əlavə, “İnter” “Napoli”nin hücumçusu Cakomo Raspadoriyə də maraq göstərir.
