"Kəpəz"in ev oyunlarını keçirəcəyi stadion bəlli oldu - RƏSMİ
0
Misli Premyer Liqasının 2025/2026-cı illər mövsümündə "Kəpəz" ilk ev oyunlarını Qəbələdə keçirəcək.
Sportal.az xəbər verir ki, Gəncə şəhər stadionunun inşasının davam etməsi səbəbindən "sarı-göylər" doğma şəhərdən kənarda oynamalı olacaqlar. Bu barədə klubun mətbuat xidməti məlumat yayıb.
Gəncə şəhər stadionu matçların keçirilməsi üçün tam hazır vəziyyətə gətirildikdən sonra "Kəpəz" rəqiblərini Nizami yurdunda qəbul edəcək.
Əvəzedici komanda isə ötən mövsümlərdə olduğu kimi klubun Məşq Mərkəzindəki ehtiyat meydanda oynayacaq.
